Akhriste waxaa hubaal ah inaynu marayno casri ama xili lagu tartamaayo aqoonta,macluumaadka iyo kobcinta masxkada qofka dhalinyaradaha ah,hadba si aynu qeybteena uga qaadano kobcinta masxkada,waxaan idiin soo gudbinayaa halxidhaalayaal aan is leeyahay saaxiibadaada akhristayaasha ah kula qaybso macluumaadka.

Haddaba fadlan wakhti sii inaad ka jawaabto,wixii kugu adkaadana Jawaabahooda la soco qaybaha danbe.

1- Axmed baa ku yidhi saaxiibkii Maxamed marka aynu mushaharka qaadano,mushaharkeygu wuxuu leekaanayaa kaaga,mushaharkaaguna wuxuu noqonayaa laban-laabka mushaharkeyga oo 1000 laga jaray,waa intee mushaharka mid walba?

2- Ninka muslimka ah ma u banaantahay sharci ahaan inuu gursado gabadha uu ka dhintay walaasheed?

3- Waxaad sheegtaa xayowaan leh afar lugood iyo kurus oo aan awr ahayn?

4- Hadii ey dabada laga jaro maxaa soo baxaaya?

5- Inan baa gabadh ku yidhi maxeynu isku nahay, waxay ugu jawaabtay hooyaday waxay dhashay hooyadaa,sodohday inankeeduna waa adeerkaa,gabadhu inanka maxay u tahay?

6- Geed baa leh 12 qaybood,qayb kastaana waxaa ku yaala 30 laamood,laankastana waxaa ku yaal 5 midhood,shanataa midhood 3 qoraxda ayey ku yaalaan,2 hadh bay yaalaan sheeg geedkaa?

7- Waxaad sheegtaa wax marka la jiidaba gaabta?

8- Sheeg 5 lambar oo isku xiga oo isku geyntoodu tahay 50?

9- Waxaad sheegtaa labo dareere(liquid) oo meel ku wada jira,midabkooduna kala duwanyahay ,iskumana darsamaan?

10- Waxaad sheegtaa magaca ninka dilay lixmeelood meel caalamka ka mida mar qudha?

11- Waxaad sheegtaa wax aynu leenahay balse dadka kale isticmaalaan iyagoon inaga fasax qaadan?

12- Waxaad sheegtaa wax lagaa qaado intaan lagu siin ka hor?

13- Waxaad sheegtaa wax lugihisu dhulka yaalaan madixiisuna xidigaha ka sareeyo?

Axmed Maxamed Musse

caalim44@hotmail.com

Hargeysa