Wasiirka madaxtooyada Somaliland ayaa sheegay in aqooyanahadii ka qalin jebiya jaamacda hargaysa in ay buuxinayaan kaalin muhiim ah oo ka banaanayd aqoonta sharciyeed ee Somaliland , wasiirka oo ka hadlayay munaasibad ay aqooyahanadan cusubi ugu xafladaynayeen qalin jebintooda, munaasibadan oo lagu qabtay Habeen hore Hotel Maansoor Hargeysa .

Waxaa sidoo kale ka soo qayb galay wasiiro xidhibaano iyo maamulka jaamacada hargaysa iyo Ardaydii Kuliyada Sharciga ee Jaamacada Hargaysa ka qalin jebiyay.

Waxa kale oo wasiirku intaa ku daray in ay Ardaydani yihiin kuwo dalku ka sugayo in ay wax ka qabtaan wax ka bedelida qaabka ay cadaaladdu u shaqayso, waxana hadaladiisa ka mid ahaa “Wax maanta looga baahi badan yahay xagga sharciga in la sugo oo la helo dad aqoonyahano ah oo inoo soo baxa waa wax lagama maarmaan ah, si kasta oo lagu helaba waa wax la sugayo”.

Ugu dambayntiina wasiirku waxa uu Ardaydaas u dardaarmay in ay isku diyaariyaan sidii ay uga qayb geli lahaayeen wax qabashada sharciga iyo in ay ku shaqeeyaan daacad iyo aaminimo si ay kor ugu qaaadaan kalsoonida cadaalada.

Waxa kale oo isna munaasibadaas hadal ka jeediyay wasiirka wasaaradda cadaalada Axmed Xasan Cali (Casoowe) oo sheegay in iyaga wasaarad ahaan farxad gaar ah u tahay maadama oo ay maanta ay arday ka qalin jabisay waxbarashada sharciga oo la odhan karo mihiim ayay u tahay dalka. Wasiirku waxa kale oo uu sheegay in dalkeena ay ka jirto baahi sharciga loo qabo in la horumariyo si looga baxo cadaalad darrada dalkeena daashatay, waxa kale oo intaa uu ku daray in wasaarada ahaan ay aad u danaynayaan horana ay u dhowrayeen in kuliyada sharciga Jaamacadda Hargeysa ay noqoto mid taabo gasha oo barashada sharciga wadanka kor u qaada.

Sidoo kale waxa isna halkaa hadal ka jeediyay duqa caasimadda Hargeysa Eng. Xuseen Maxamuud Jiciir oo sheegay in aad ugu faraxsan yahay in uu arko arday ka qalin jabisay sharciga, oo uu xusay in ay yihiin dufcad si weyn loogu baahi qabay in la helo.

Waxa kale oo Mudane Jiciir tibaaxay in aan sharciga looga baahnayn uun maxkamadaha ee looga baahan yahay bulshada, haayadaha iyo maamulkaba. Waxana uu intaa ku daray in laga filaayo in ardaydani ay qaban doonaan balantii ay qaateen ee ahayd in buuxin nayaan gaabka banaan ee cadaaladeed ee wadanka ka jira.

Waxa kale oo isna halkaa ka hadlay Yuusuf Siciid Qaalib oo ahaa ardaydii ka qalin jabisay Kuliyada Sharciga ee Jaamacada Hargaysa .

Ugu dabanyntii waxaa halkaa hadal ka soo jeediayay gudoomiyaha jaamacada Hargaysa Pr. Cabdi Haybe cilmi oo sheegay jaamcada diyaar u tahay sidii ay kor ugu qaadi lahaayeen barshada sharciga si looga baxo baahida loo qabo, waxanuu ardyda ku dhiiri geliyay.

Shiine Cilmi Kaahin
Hargeysa,Somaliland
Shiinenet@yahoo.com